နေ့သစ်များအတွက် သာဓုအနုမောဒနာပြုလိုက်ပါ အမေ

(အမေမာ ၉၂ နှစ်ပြည့်မွေးနေ့သို့အမှတ်တရ)

ကျောင်းသား သံဃာ လူထုတွေပေါ့
ရန်သူ့ထံ
အချစ်မေတ္တာတွေကိုသာ အပ်နှံပေးပို့ခဲ့
ဒါပေမဲ့
ရွံရှာစက်ဆုတ်မှုများကိုသာရရှိခဲ့
အမှန်တရားတွေဟာ


လူထုအသက်တွေပေးပြီးမှရောက်လာခဲ့
ပြည်သူနဲ့ဖက်ဆစ်ဟာ
ကမ္ဘာမြေပေါ်မှာ အတူတကွနေလို့မဖြစ်
အဓမ္မနဲ့ ဓမ္မ၊ အတူတကွနေလို့မဖြစ်
ဖိနှိပ်ရန်သူနဲ့ စစ်ကျွန်ခံလူထု
အတူတကွနေလို့မဖြစ်
မျိုးဆက်သစ်လူငယ်တွေကိုယ်တိုင်သိခဲ့
ပျိုမြစ်ကလေးတွေပင်သိခဲ့
… သိခဲ့ပေါ့အမေ။

လူထုဒေါ်အမာ … အမေမာခင်ဗျား
အမေသိမှာပါ၊ ကျနော်တို့တိုင်းပြည်မှာ
သောကနဲ့ဒုက္ခဟာ
အမုန်းနဲ့တွဲမိသွားခဲ့
စိတ်ဓာတ်တွေခိုင်မာလာခဲ့
ကျနော်တို့အားလုံး
လူထုအားလုံးကိုယ်တိုင်
ငေးငိုင်တွေဝေလို့မဖြစ်တော့
ရုန်းကန်နေကြရမှာပေါ့
ဆက်ခါ … ဆက်ခါ … တကြော့ပြီးတကြော့။

ကျနော်တို့ရဲ့အသက်ရှူခြင်းဟာ
နိုင်ငံတကာဖိအားစည်းချက်နဲ့
ရှေ့ဆက်နေခြင်း
အဲဒီတခုထဲမဟုတ်ဖူး
ရှေ့ကိုရဲရဲကြည့်
ယုံကြည်ချက် စိတ်ဓာတ် သတ္တိ
ပွေ့ပိုက်မိရမယ်။

မိစ္ဆာသေမင်း
လက်တကမ်းရောက်လာတဲ့အခါ
သဘောတရားနဲ့မလုံလောက်လို့
ကိုယ်ကျိုးစွန့်လွှတ်ပြန်တိုက်ဖို့
ကျနော်တို့စွန့်စားကြရမှာပါ
တိုက်ပွဲထဲ
အရဲရင့်ဆုံးရောက်လာကြမှာပါအမေ။

လူထုဒေါ်အမာ
အမေသာဓုခေါ်မှာပါ …
မျှော်လင့်ချက်ရောင်စုံပန်းခင်းအနာဂါတ်ကို
အနာဂါတ်ဆိုတဲ့အရုဏ်ဦးကို
တောက်ပသောနေ့သစ်များကို
မျှော်ဖူးစောင့်စားနေကြမှာမဟုတ်
ကျနော်တို့တွေဟာ
ပြည်သူလူထုကိုယ်ဟာ
အရုဏ်ဦးကြယ်နီပွင့်များအဖြစ်
အမှောင်ခေတ်ကို
လှဲကျင်းဖျက်သိမ်းကြမှာပါ။

အမေရဲ့
၉၂ နှစ်မွေးနေ့မှာ
အမေသာဓုခေါ်လိုက်ပါ။

မောင်စိုးချိန်
နိုဝင်္ဘာ ၂၂၊ ၂၀၀၇