လေဘေးဒုက္ခသည်များ မိုးကြောင့် နေရေးဒုက္ခ ပိုဆိုးလာ

မောင်ဒီး
အင်္ဂါနေ့၊ မေလ 20 2008 17:30 - မြန်မာစံတော်ချိန်

နယူးဒေလီ။ ။ မုန်တိုင်းကြောင့် ဒုက္ခရောက်ရသော လှိုင်သာယာနှင့် ဒဂုံမြို့သစ်မှ လေဘေးဒုက္ခသည်များမှာ ၃ ရက်ဆက်တိုက် ရွာသွန်းသောမိုးရေထဲတွင် အမိုးအကာ မ လုံခြုံမှုကြောင့် တဖန် ဒုက္ခရောက်နေကြရသည်။

ပြီးခဲ့သည့် ၃ ရက်ခန့် ကတည်းက စတင်ရွာသွန်းလာသည့် မိုးကြောင့် ဒုက္ခသည်များအဖို့ နေရေးဒုက္ခ ထပ်ဆောင်း ရောက်ရှိလာပုံကို အကူအညီပေးသူများနှင့် ဒေသခံများ က ပြောဆိုလိုက်ကြခြင်း ဖြစ်သည်။

"သူတို့က တဲစုတ်လေးတွေမှာ အမိုးအကာ မလုံမခြုံနဲ့ မိုးရေထဲမှာ ငုတ်တုတ်ထိုင်နေကြရတာဗျာ။ ရသမျှဟာလေးတွေနဲ့ ကာရံပြီး အဓိကက ကလေးကို မိုးမစိုအောင် ကာပေးပြီး လူကြီးတွေက ငုတ်တုတ်ထိုင် မိုးအစိုခံနေရတာ။ နေရထိုင်ရတာ ဘယ်လိုမှကို အဆင်မပြေကြဘူး" ဟု လေဘေးဒုက္ခသည်များကို ကူညီပေးနေသူ ဒါရိုက်တာ ဦးသူရ (ခေါ်) နိုင်ငံကျော် လူရွှင်တော် ဇာဂနာက မဇ္ဈိမကို ပြောသည်။

မုန်တိုင်းကြောင့် လှိုင်သာယာမြို့ ၃ ပုံ ၁ ပုံခန့်မှာ လုံးဝ ပျက်စီးခဲ့ပြီး အိုးအိမ်မဲ့ လေဘေးဒုက္ခသည်အချို့မှာ မိုးရေထဲတွင် ယင်းတို့၏ပျက်စီးနေသော နေအိမ် အပျက်အစီး ပုံများအနား လဲလျောင်းနေကြရသည်ဟု သူက ပြောသည်။

"ပြောရရင်ဗျာ စိတ်မကောင်းစရာပဲ။ လှိုင်သာယာတံတားကနေ ဆင်းလိုက်တာနဲ့ ရွာ ၉ ရွာ ရှိတယ်ဗျာ။ အဲဒီရွာတွေမှာ လူတွေက စစ်မြေပြင်မှာ လဲကျနေသလိုပဲ မိုးရေထဲမှာ လဲနေကြတာ တွေ့ခဲ့ရတယ်" ဟု ဦးသူရက ပြောသည်။

လှိုင်သာယာနည်းတူ မုန်တိုင်းဒဏ်ထိခဲ့သည့် ဒဂုံမြို့သစ်တွင်လည်း လေဘေးဒုက္ခသည်များမှာ နီးစပ်ရာ ဘုန်းကြီးကျောင်း၊ ဓမ္မာရုံ၊ ပညာသင်ကျောင်း စသည်တို့တွင် ခိုကပ် နေထိုင်ကြပြီး လူနေကျပ်တည်းခြင်း၏ နောက်ဆက်တွဲအဖြစ် လူတရာကျော် ဝမ်းရောဂါ ဖြစ်ပွားနေသည်။

၁ဝ ပေ ပတ်လည်ရှိသည့် တဲအိမ်တလုံးကို ယနေ့ကာလတွင် ပြန်လည်တည်ဆောက်ရန် အနည်းဆုံး ၅ သောင်းအထက် ကုန်ကျနိုင်သောကြောင့် တနေ့ကို ၃ ထောင်ဝန်း ကျင်သာ ဝင်ငွေရှိသည့် လက်လုပ်လက်စား ဒုက္ခသည်များမှာ တွေ့ကရာ ဝါးလုံးများ၊ ဓနိများဖြင့် ဖြစ်သလို တဲထိုးနေထိုင်ကြ ရသည်။

"ကျမတို့က လက်လုပ်လက်စားတွေဆိုတော့ အိမ်ရယ်လို့ မဟုတ်ပါဘူး။ တဲလေး ပြန်ဆောက်ဖို့ကို သောင်းဂဏန်းကုန်မှာ ဆိုတော့ မတတ်နိုင်ဘူး။ ဒါကြောင့် လောလောဆယ်တော့ ညကို ကျောင်းမှာအိပ်တယ်၊ နေ့ခင်းပိုင်းတော့ နည်းနည်းကောင်းသေးတဲ့ ဝါးလုံးတွေ၊ ထရံတွေပြန်စုပြီး ဖြစ်သလို တဲဆောက်နေရတယ်" ဟု လှိုင် သာယာ ၂ဝ ရပ်ကွက်နေ လေဘေးဒုက္ခသည် ဒေါ်လှလှမော်က မုန်တိုင်းတိုက်ပြီး ၂ ရက်အကြာက မဇ္ဈိမကို ပြောခဲ့သည်။

ယနေ့တွင်လည်း လှိုင်သာယာမြို့နယ်အတွင်းရှိ ကပျိုရွာမှ အမက ၁၁ ကျောင်းတွင် ဖွင့်ထားသည့် ကယ်ဆယ်ရေးစခန်းမှ လူဦးရေ ၅ဝဝ ကျော်ရှိသည့် အိမ်ထောင်စု ၁၆၄ စု ကို ယနေ့ ၁၁ နာရီအပြီး ထွက်ပေးကြရန် အာဏာပိုင်များက အမိန့်ထုတ်ထားသည်။

မုန်တိုင်းဒဏ်ထိ လပွတ္တာမြို့ အာဏာပိုင်များ၏ နေရာချပေးမှုဖြင့် ရပ်ကွက် ၃ အတွင်းရှိ တရုတ်သင်္ချိုင်းဟောင်းနှင့် ရတနာဒီပ ဘောလုံးကွင်းတွင် ပြီးစလွယ် တဲထိုးကာ နေ ထိုင်ကြရသော လေဘေးဒုက္ခသည်များ၌ အဆက်မပြတ် မိုးရွာသွန်းမှုကြောင့် အိမ်ပေါ်ရေတက်သည့် ဒုက္ခလည်း ကြုံနေကြသည်။

"မိုးက နင်းကန်ရွာနေတာ ၁ဝ ရက်ရှိပြီ။ အိမ်အမိုးတော့ လုံတယ်ဗျ။ ဒါပေမဲ့ အိမ်ကို ရေတက်လာတော့ ဒုက္ခသည်တွေက ရေလွတ်တဲ့နေရာကိုရှာပြီး တာလပတ်ကို စုခြုံနေ ရတယ်။ သူတို့ နေရတဲ့နေရာတွေက အနိမ့်ပိုင်းဆိုတော့ ရေဝပ်တာပေါ့။ သူတို့ တော်တော်လေးကို ဒုက္ခကြုံနေရတယ်ဗျာ" ဟု လပွတ္တာမြို့ခံ ဒေါက်တာအေးကြူက မဇ္ဈိမကို ပြောသည်။